एमाले गुल्मीको अध्यक्षमा बालसिंह काउछा विजयी

गुल्मी । नेकपा एमाले गुल्मीको अध्यक्षमा बालसिंह काउछा विजयी भएका छन् ।

अर्का प्रतिस्पर्धी हिरा एसीलाई पराजित गर्दै काउछा दोस्रो कार्यकालका लागि अध्यक्षमा विजयी भएका हुन् ।

काउछाले ३८४ मत प्राप्त गर्दा उनका प्रतिस्पर्धी एसीले २०२ मत प्राप्त गरेका थिए । गत मंगलबारदेखि शुरु भएको १२ औं जिल्ला अधिवेशनमा सहमति नजुटेपछि बिहीबार मतदान भएको थियो ।

अधिवेशनमा सहभागी ६१३ जना प्रतिनिधिमध्ये ५९५ जनाले मतदानमा सहभागिता जनाएका थिए ।

यस्तै, उपाध्यक्षमा जीवन खरेल, सचिवमा धर्म विश्वकर्मा, सहसचिव पदमा चक्रबन्धु भुसाल विजयी भएका छन् ।