सशस्त्रका एसपी र डीएसपीहरुको सरुवा

काठमाडौं । सशस्त्र प्रहरी बलका एसपी र डीएसपीहरुको सरुवा गरिइको छ । सशस्त्र प्रहरी बल प्रधान कार्यालयले १८ जना एसपी र २ सय ३७ जना डीएसपीहरुलाई सरुवा गरेको जनाएको छ ।

सशस्त्र प्रहरी बल प्रधान कार्यालका अनुसार, निकट भविष्यमा अनिवार्य अवकाश हुने र हाल कमान्ड जिम्मेवारीमा रहेका सशस्त्र प्रहरी उपरीक्षकहरूलाई कमाण्ड जिम्मेवारीभन्दा अन्यत्र सरुवा गरिएको हो ।

डीएसपीहरुलाई २०८० असोज १ गते प्रकाशित सशस्त्र प्रहरी नायव उपरीक्षकहरूको कमाण्ड पूर्वानुमान सूचीको आधारमा सरुवा गरिएको हो ।
सरुवा गरिएकामध्ये १४ जनाले आश्रित गुल्म र २६ जनाले अनाश्रित गुल्मको जिम्मेवारी पाएका छन् ।

सशस्त्र प्रहरीले दुई वर्षदेखि निरीक्षकदेखि एसपीसम्म ज्येष्ठता क्रमअनुसार कमान्ड पूर्वानुमान सूची सार्वजनिक गरेर सरुवा गर्ने परिपाटी विकास गरेको छ ।