आज दहि चिउरा खाँदै, धान दिवस मनाइँदै

मकवानपुर । आज असार १५ गते शुक्रबार देरभर धान दिवस मनाइँदै छ । प्रत्येक वर्ष असार १५ गतेदेखि मनाउने राष्ट्रिय धान दिवस आज परेको हो ।

धान दिवस वर्षको पहिलो दिन आजबाट नै धान राप्न सुरु गर्ने परम्परा रहेको छ । मानो रोपेर मुरी फलाउने दिनको रुपमा पनि प्रख्यात आजको दिनमा धान रोप्नका लागि उपयुक्त मौसम सुरु भएको दिन मानिन्छ ।

आजका दिन असारे भाकामा लोक लयका गीत गाउँदै धान रोप्ने र हिलो छ्यापाछ्याप गरेर रमाइलो गर्ने चलन छ ।

असार १५ लाई नेपाली समाजमा दही च्यूरा खाने पर्वका रुपमा पनि परिचित छ । खेतीपातीबाहेक अन्य पेशा र व्यवसायमा लागेका नेपालीले पनि आज दही चिउरा खाई असार १५ मनाउँछन् ।