सप्तकोशी नदीको जलसतह बढ्यो, ब्यारेजका ४१ ढोका खुल्ला

धरान । सप्तकोशी नदीको जलसतह बढेको छ । बिहान ६ बजको समयमासम्म कोशी ब्यारेजमा तीन लाख १६ हजार आठ सय क्युसेक पानी मापन गरिएको छ ।

सप्तकोशी जलमापन केन्द्रका अनुसार, पानीको बहाव बढेसँगै कोशी ब्यारेजका ४१ वटा ढोका खोलिएका छन् ।

सप्तकोशी जलमापन केन्द्रमा जलसतह सतर्कता पार गरेको र अझै बढ्दो क्रममा रहेकाले उदयपुर, सुनसरी र सप्तकोशी नदी किनारका बासिन्दालाई सुरक्षित रहन केन्द्रले आग्रह गरेको छ ।