नदीमा डुबेर दुई जना बेपत्ता
तु खबर संवाददाता२०८१ असार २५,सोमबार १०:०२
धनगढी । नदीमा डुबेर दुई जना बेपत्ता भएका छन् । कैलाली र कञ्चनपुर जिल्लाको छुट्टाछुट्टै नदीमा डुबेर दुई जना बेपत्ता भएका हुन् ।
आइतबार कैलालीको कैलारी गाउँपालिका–९ गदरिया बस्ने १८ वर्षीय अजय राना भुररा नदीमा नुहाउने क्रममा डुबेर बेपत्ता भएका छन् ।
उनी बेपत्ता भएको खबर आउनासाथ इलाका प्रहरी कार्यालय हसुलियाबाट खोजीका लागि प्रहरी परिचालन गरिए पनि हालसम्म नभेटिएको कैलाली प्रहरीले जनाएको छ ।
यसैगरी, कञ्चनपुरमा पनि नदीमा डुबेर एक जना बेपत्ता भएका छन् । जिल्लाको बेलडाँडी गाउँपालिका–३ बस्ने २३ वर्षीय डम्मर चौधरी चौदारा नदीमा माछा मार्न गएका बेला बगेर बेपत्ता भएको प्रहरीले जनाएको छ ।
बेपत्ता दुबै जनाको खोजीकार्य जारी रहेको जनाइएको छ ।