बागमती मुख्यमन्त्रीले दिए पदबाट राजीनामा
तु खबर संवाददाता२०८१ श्रावण ६,आईतवार १६:०३
मकवानपुर । बागमती प्रदेशका मुख्यमन्त्री शालिकराम जम्कट्टेलले पदबाट राजीनामा दिएका छन् ।
मुख्यमन्त्री जम्कट्टेलले आइतबार प्रदेश प्रमुख यादवचन्द शर्मासमक्ष पदबाट राजीनामा दिएका हुन् ।
नेकपा एमालेबाट सरकारमा सहभागी पाँच मन्त्रीले सामूहिक राजीनामा दिएपछि अल्पमतमा परेको उनले आइतबार बसेको प्रदेश सभालाई सम्बोधन गरेका थिए ।
सो क्रममा उनले अविश्वासको प्रस्तावलाई छलफल गर्नुअघि आफुले मार्ग प्रशस्त गर्नेगरी निकास दिने घोषणा गरेका थिए ।