हेटौंडा–काठमाडौं जोड्ने कान्तिलोकपथ अवरुद्ध
तु खबर संवाददाता२०८१ श्रावण १९,शनिबार ०९:३३
मकवानपुर । बागमती प्रदेशको राजधानी हेटौंडा र संघीय राजधानी काठमाडौ जोड्ने सडकखण्ड आज बिहानबाट अवरुद्ध बनेको छ ।
मकवानपुरको भीमफेदी गाउँपालिका वडा नम्वर ८, महादेवटारमा वर्षाको कारण आएको पहिरोका कारण उक्त सडकखण्ड अवरुद्ध बनेको जिल्ला प्रहरी कार्यालय मकवानपुरका प्रहरी निरीक्षक ओम पण्डितले जानकारी दिए ।
उक्त स्थानमा इलाका प्रहरी कार्यालय ठिंगनबाट प्रहरी निरीक्षक खगेन्द्र कुमार दाहालको कमाण्डमा ५ टोली खटिएको र सडक विभाग तथा फाष्ट ट्याकसँग समन्वय गरी पहिरो पन्छाउने कार्य भइरहेको प्रहरी निरीक्षक पण्डितले बताए ।