जसपा नेपालको केन्द्रीय समितिको बैठक आह्वान

काठमाडौं । जनता समाजवादी पार्टी (जसपा) नेपालको नवगठित केन्द्रीय समितिको बैठक आह्वान गरिएको छ ।

बैठक ललितपुरको सानागाउँस्थित थसी बैंक्वेटमा आज बस्ने गरी आह्वान गरिएको हो ।

यही साउन ३० गतेसम्म संचालन हुने बैठकमा मुलुकको समसामयिक राजनीतिक विषय, पार्टीको सङ्गठन सुदृढीकरणलगायत विषयमा छलफल हुने जनाइएको छ ।

बैठकमा एकताको राष्ट्रिय महाधिवेशनले तय गरेको पार्टीको वैचारिक, सैद्धान्तिक, अवधारणा, वर्तमान राष्ट्रिय राजनीतिक अवस्थाबारे पनि छलफल हुने जसपा नेपालले जनाएको छ ।