जेसीजको सप्ताहव्यापी कार्यक्रमः ३० जनाले गरे रक्तदान, स्लो बाइक रेसमा सदासंकर प्रथम

मकवानपुर । हेटौंडा जेसीजले विभिन्न कार्यक्रमहरुको आयोजना गरी सप्ताहव्यापी कार्यक्रम मनाइरहेको छ । जसअन्तरगत आज विहान हेटौंडा–४ हुप्रचौरमा रक्तदान कार्यक्रम आयोजना गरिएको छ ।

कार्यक्रममा ३० जनाले रक्तदान गरेका थिए । हेटौंडा जेसीज वर्ष २०२४ का अध्यक्ष विकेशलाल श्रेष्ठको सभाध्यक्षता एवम् मदन भण्डारी स्वास्थ्य विज्ञान प्रतिष्ठानका रजिष्ट्रार भीमसागर गुरागाईँको प्रमुख आतिथ्यतामा भएको हो । रक्तदान कार्यक्रमको संयोजन विकेक बानियाँले गरेका हुन् ।

त्यस्तै आज विहान नै जेसीजले स्लो बाइक प्रतियोगिता आयोजना गरेको छ । हेटौंडाको सितलमहल चोकमा भएको प्रतियोगितामा सुकदेव सदासंकर प्रथम, गोपाल थापा दास्रो र कमल घलान तेस्रो भएको ‘जेसीज सप्ताह २०२४ का मुल कार्यक्रम संयोजक विवेक आनन्द न्यौपानेले जानकारी दिए ।

जिल्ला प्रहरी कार्यालय मकवानपुरका प्रहरी प्रमुख विश्वराज खड्काको प्रमुख आतिथ्यतामा भएको कार्यक्रममाको संयोजन विश्वप्रसाद गौतमले गरेका हुन् ।

जेसीजको सप्ताहव्यापी कार्यक्रम जारी छ ।