साढे ८ लाखसहित जुवा खालबाट १२ जना पक्राउ

काठमाडौं । मुस्ताङबाट नगद साढे ८ लाख रुपैयाँ भन्दा बढी रकमसहित प्रहरीले गएराति १२ जना जुवाडेलाई पक्राउ गरेको छ ।

जिल्लाको घरपझोङ गाउँपालिका–२ मार्फास्थित फिरोज लालचनको माउन्ट भिल्ला एण्ड रेष्टुरेन्टबाट उनीहरुलाई पक्राउ गरेको प्रहरीले जनाएको छ ।

प्रहरीले उनीहरुको साथबाट ८ लाख ५२ हजार ८०० नगदसहित ८ बुक तास बरामद गरेको छ ।

पक्राउ परेका उनीहरूलाई मंगलबार म्याद थप गरेर अनुसन्धान प्रकृया अगाडि बढाइने प्रहरीले जनाएको छ ।