रवि लामिछाने पक्राउको विरोधमा उत्रिएका ७ जना पक्राउ
तु खबर संवाददाता२०८१ कार्तिक २०,मंगलवार १५:४०
पोखरा । राष्ट्रिय स्वतन्त्र पार्टी (रास्वपा) का सभापति रवि लामिछाने पक्राउको विरोधमा उत्रिएका ७ जना प्रदर्शनकारी पक्राउ परेका छन् ।
लामिछानेलाई तेस्रो पटक म्याद थपका लागि आज अदालत लगिएको छ । सोही क्रममा उनका समर्थकसहित कार्यकर्ताले अदालत बाहिर नाराबाजी गर्दै प्रदर्शन गरेका थिए । निषेधित क्षेत्र तोडेको आरोपमा उनीहरु पक्राउ गरेको जनाइएको छ ।
पूर्व गृमन्त्रीसमेत रहेका लामिछान गत कात्तिक २ गते सहकारी ठगीको आरोपमा पक्राउ परेका थिए । उनी पक्राउ परेसँगै उनका समर्थनहरुले पोखरा, काठमाडौंलगायतको सहरमा प्रदर्शन गर्दै आएका छन् ।
