गाजामा इजरायलको आक्रमणबाट कम्तीमा २५ जनाको मृत्यु
तु खबर संवाददाता२०८१ कार्तिक २१,बुधबार १०:४४
गाजा । उत्तरी गाजा पट्टीको बेत लाहिया सहरमा रहेको एउटा घरमा इजरायली बमबारी आक्रमणबाट कम्तीमा २५ जनाको मृत्यु भएको छ ।
प्यालेस्टिनको आधिकारिक समाचार संस्था वाफाले भग्नावशेषमुनि कैयौँ मानिस अझै बेपत्ता रहेको जनाएको छ ।
इजरायली सेनाले भने उक्त घटनाबारे अहिलेसम्म कुनै प्रतिक्रिया दिएको छैन ।
गाजामा जारी इजरायली आक्रमणबाट प्यालेस्टिनीको मृत्यु हुनेको संख्या ४३ हजार तीन सय ९१ पुगेको गाजास्थित स्वास्थ्य अधिकारीहरूले एक विज्ञप्तिमार्फत् जानकारी दिएका छन् । –एजेन्सी
