टेनिस संघ बागमतीको आयोजनामा जुनियर प्रतियोगिता हुँदै

काठमाडौं । टेनिस संघ बागमती प्रदेशको आयोजनामा शनिबारबाट जुनियर प्रतियोगिता हुँदैछ ।

होटल मिस्टिक माउन्टेन ग्रान्ड खुला जुनियर टेनिस प्रतियोगिता हुन लागेको हो । प्रतियोगितामा १४ वटा स्पर्धा समावेश गरेको आयोजकले जनाएको छ ।

एक सय २७ जना खेलाडीको सहभागिता रहने सो प्रतियोगिताको कुल पुरस्कार राशी एक लाख ११ हजार रुपैयाँ रहेको छ ।

प्रतियोगिता नेपाल टेनिस संघको प्राविधिक सहयोग र होटल मिस्टिक माउन्टेनको मुख्य प्रायोजनमा हुन लागेको जनाइएको छ ।

प्रतियोगिता सातदोबाटोस्थित टेनिस कम्प्लेक्समा हुनेछ ।