मकवानपुरमा डेंगु सक्रमितको संख्या १८०८ पुग्यो
तु खबर संवाददाता२०८१ कार्तिक २३,शुक्रबार १७:२७
मकवानपुर । मकवानपुर जिल्लामा डेंगु संक्रमितको संख्या एक हजार ८ सयभन्दा बढी पुगेको छ ।
जिल्लाको १० स्थानीय तहमा गरी डेंगु संक्रमितको कुल संख्या एक हजार ८०८पुगेको जनस्वास्थ्य कार्यालय मकवानपुरले जनाएको छ ।
जनस्वास्थ्य कार्यालयका अनुसार, डेंगु संक्रमण पुष्टि हुनेमा ८७० जना महिला र ९३८ जना पुरुष रहेका छन् । यो संख्या गत साउन महिनादेखि आजसम्मको हो।
आज जिल्लामा ७ जनामा डेंगु संक्रमण पुष्टि भएको छ ।
कुन स्थानीय तहमा कति भेटिए डेंगुका बिरामी ?
- हेटौंडा उपमहानगरपालिकामा १ हजार ४६४ जना
- थाहा नगरपालिकामा १३ जना
- मकवानपुरगढी गाउँपालिकामा ४६ जना
- बागमती गाउँपालिकामा ३ जना
- कैलाश गाउँपालिकामा ७ पुरुष
- मनहरी गाउँपालिकामा १४६ जना
- भीमफेदी गाउँपालिकामा ३१ जना
- बकैया गाउँपालिकामा २२ जना
- राक्सिराङ गाउँपालिकामा ३ जना
- हाल ठेगाना नखुलेका ३७ जना
- अन्य जिल्लाका ३६ जनामा डेंगु संक्रमण पुष्टि भएको छ ।