रास्वपाको केन्द्रीय समिति बैठक आज बस्ने
तु खबर संवाददाता२०८१ कार्तिक २४,शनिबार ०७:३९
काठमाडौं । राष्ट्रिय स्वतन्त्र पार्टी (रास्वपा) को केन्द्रीय समितिको बैठक आज बस्ने भएको छ ।
बैठक शनिबार बिहान साढे ११ बजे बस्ने गरी बोलाइएको हो । बैठक पार्टी केन्द्रीय कार्यालय बनस्थलीमा बस्ने गरी बोलाएको पार्टीका कार्यवाहक प्रवक्ता मनिष झाले जानकारी दिए ।
प्रवक्ता झाका अनुसार, सो बैठकमा आगामी मंसिर १६ गते हुने स्थानीय तह उपनिर्वाचन, समसामयिक राजनीतिक गतिविधि, पार्टीको सांगठनिक गतिविधि लगायतका विषयमा छलफल हुनेछ ।