मकवानपुरका बोम्जनमाथि अज्ञात समूहद्वारा गोली प्रहार

सिन्धुली । सिन्धुलीको हरिहरपुरगढीमा अज्ञान समूहले मकवानपुरका प्रेमबहादुर बोम्जनमाथि गोली प्रहार गरेको छ ।

बागमती गाउँपालिका वडा न.१ निवासी बोम्जनमाथि आइतबार दिउँसो ३ जनााको अज्ञात समूहले गोली प्रहार गरेको प्रहरीले जनाएको छ ।

उक्त समूहले मोटरसाइकलमा सवार बोम्जनलाई रोकेर नल कटुवा बन्दुकले गोली प्रहार गरेको बुझिएको छ । हेल्मेटको दाहिनेतर्फबाट प्रहार भएको गोलीले गाला छेडेर दाँत (बंगारा) मा अड्किएको प्रहरीले जनाएको छ ।

प्रहरीका अनुसार, गोही प्रहारबाट बिरामी भएका बोम्जनको हाद वीरगञ्जमा उपचार भइरहेको छ । गोली प्रहार गरेर फरार व्यक्तिको खोजी कार्य गर्नुका साथै घटनाको बारेमा प्रहरीले आवश्यक अनुसन्धान गरिरहेको छ ।

बोम्जन मकवानपुरको बकैया गाउँपालिका वडा न. ३, हातिसुडेस्थित श्री बुद्ध माध्यमिक विद्यालयका प्रधानाध्यापक हुन् । उनी भाइसँगै सिन्धुलीतर्फ जाँदै गर्दा गोली प्रहार भएको जनाइएको छ ।