आज यी प्रदेशमा वर्षाको सम्भावना

काठमाडौ । मौसम पूर्वानुमा महाशाखाले आज देशको विभिन्न प्रदेशमा वर्षाको सम्भावना रहेको जनाएको छ । महाशाखाले कोशी र गण्डकी प्रदेशका पहाडी भागका थोरै स्थानमा हल्का वर्षाको सम्भावना रहेको जनाएको हो ।

साथै महाशाखाका अनुसार, उच्च पहाडी तथा हिमाली भागका एक–दुई स्थानमा हल्का हिमपातको पनि सम्भावना रहेको छ । ती स्थानमा कृषि, स्वास्थ्य, पर्यटन, पर्वतारोहण, सडक तथा हवाई यातायातमा आंशिक असर पर्न सक्ने भएकाले महाशाखाले सबैलाई सतर्कता अपनाउन अनुरोध गरेको छ ।

हाल देशभर पश्चिमी र पहाडी भेगमा स्थानीय वायुको सामान्य प्रभाव रहेको र त्यसको प्रभावले गण्डकी र कोशी प्रदेशका पहाडी भागमा आंशिक बदली रही बाँकी भागमा मौसम सफा रहेको छ भने तराईका केही भागमा हल्का हुस्सु लागेको छ ।