आठविसकोटमा बस दुर्घटना हुँदा कम्तीमा ९ जना घाइते
तु खबर संवाददाता२०८१ मंसिर १,शनिबार १५:४१
सुर्खेत । रुकुम पश्चिममा शनिबार यात्रुबाहक बस दुर्घटना हुँदा कम्तीमा ९ जना घाइते भएका छन् ।
काठमाडौंबाट रुकुमपश्चिम आठविसकोट नगरपालिका राडीतर्फ आउँदै प्रदेश ३–०१–००५ ख ९९६६ नम्बरको बस आठविसकोटको रिठा नजिकै दुर्घटना हुँदा ९ जना घाइते भएका हुन् ।
बस सडकबाट अन्दाजी एक सय मिटर तल खसेर दुर्घटना भएको जिल्ला प्रहरी कार्यालय रुकुमपश्चिमले जनाएको छ ।
प्रहरीका अनुसार, घाइते सबैलाई उद्धार गरी उपचारको लागि नगर अस्पताल राडी लगिएको छ ।
सो घटनाको बारेमा प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।
