हेटौंडा–१२ उपनिर्वाचनः राप्रपाका भ्लोनले गरे मनोनयन दर्ता
तु खबर संवाददाता२०८१ मंसिर २,आईतवार १६:२३
मकवानपुर । आसन्न स्थानीय तह उपनिर्वाचन अन्तरगत हेटौंडा उपमहानगरपालिका वडा नम्बर–१२ को वडा अध्यक्ष पदमा राष्ट्रिय प्रजातन्त्र पार्टी (राप्रपा) ले मनोनयन दर्ता गरेको छ ।
यही मंसिर १६ गते हुने उपनिर्वाचनका लागि राप्रपाको तर्फबाट प्रेमबहादुर भ्लोनले वडाध्यक्ष पदमा मनोनयन दर्ता गरेका हुन् ।
उनले संघीय संसद्का पूर्वाधार विकास समिति सभापति दीपकबहादुर सिंहको उपस्थितिमा वडाध्यक्षमा मनोनयन दर्ता गरेका हुन् ।
उनले तिलकबहादुर जर्गाको प्रस्ताव र हिरामणि चौलागाईंको समर्थनमा मनोनयन दर्ता गरेका हुन् ।
