पूर्वसभामुख ढुङ्गानाको अन्त्येष्टि आज

काठमाडौं । पूर्वसभामुख स्व. दमननाथ ढुङ्गानाको अन्त्येष्टि आज गरिने भएको छ ।

उनको काठमाडौंको बानेश्वरस्थित फ्रन्टलाइन अस्पतालमा उपचारका क्रममा आइतबार निधन भएको थियो ।

सरकारले उनलाई राजकीय सम्मानका साथ अन्त्येष्टि गर्ने तयारी गरेको छ । त्यसका लागि सोमबार बिहान नै मन्त्रिपरिषद् बैठक आह्वान गरिएको छ ।

वि.सं २०४८ सालमा काठमाडौं क्षेत्र नं २ बाट नेपाली कांग्रेसका तर्फबाट प्रतिनिधिसभामा निर्वाचित उनी २०४८ देखि २०५१ सम्म सभामुख बनेका थिए ।

वरिष्ठ अधिवक्ता समेत रहेका ढुङ्गाना कलेजोसँग सम्बन्धित समस्याका कारण केही समयदेखि उपचाररत थिए ।