कांग्रेसले केन्द्रीय कार्यसमितिको आकस्मिक बैठक बोलायो
तु खबर संवाददाता२०८१ मंसिर ३,सोमबार ०९:५३
काठमाडौं । नेपाली कांग्रेसले केन्द्रीय कार्यसमितिको आकस्मिक बैठक बोलाएको छ । आज बिहान साढे १० बजे बस्ने गरी केन्द्रीय कार्यसमिति बैठक बोलाइएको हो ।
बैठक पार्टी केन्द्रीय कार्यालय सानेपामा बस्ने पार्टीका महामन्त्री विश्वप्रकाश शर्माले जानकारी दिए ।
उनका अनुसार, पूर्वसभामुख दमननाथ ढुंगानाप्रति शोक प्रस्ताव पारित गर्ने र श्रद्धाञ्जली अर्पण गर्नका लागि केन्द्रीय कार्यसमितिको आकस्मिक बैठक बोलाइएको हो ।
काठमाडौंमा उपलब्ध केन्द्रीय कार्यसमितिका सभापति र पदाधिकारी सबैलाई बैठकमा सहभागी हुन भनिएको उनले बताए ।
ढुंगानाको निधनको खबर पाएपछि पार्टी सभापति शेरबहादुर देउवा गृह जिल्लाबाट काठमाडौं फर्किसकेका छन् ।
कलेजो सम्बन्धी समस्याबाट पीडित ढुंगानाको आइतबार काठमाडौंमा निधन भएको थियो ।
