गाँजासहित दुई जना पक्राउ

रुपन्देही । रूपन्देहीको सिद्धार्थनगर नगरपालिका–३ चाँदनी चोकबाट अवैध लागूऔषध गाँजासहित आइतबार दुुई जना पक्राउ परेका छन् ।

पक्राउ पर्नेहरूमा सोही ठाउँ डेरा गरी बस्ने सोही नगरपालिका–१ रानीगाउँ घर भएका ३० वर्षीय कमल रसाईली र मकवानपुर थाहा नगरपालिका–७ बस्ने २३ वर्षीय दिनेश कार्की रहेका छन् ।

उनीहरुलाई लागूऔषध नियन्त्रण ब्यूरो शाखा कार्यालय भैरहवा, जिल्ला प्रहरी कार्यालय रूपन्देही समेतबाट खटिएको प्रहरीले कमलको कोठाबाट करिब ३ किलोग्राम गाँजासहित पक्राउ गरेको हो ।

पक्राउ परेका उनीहरुमाथि प्रहरीले आवशयक अनुसन्धानका साथै कानूनी प्रकृया अगाडि बढाइएको छ ।