उपनिर्वाचनः आज उम्मेदवारको नामावली सार्वजनिक गरिँदै

काठमाडौं । स्थानीय तह उपनिर्वाचनअन्तर्गत आज उम्मेदवारको नामावली सार्वजनिक गरिँदैछ । आज साँझ ५ देखि ६ बजेसम्म उम्मेदवारको नामावली सार्वजनिक हुने निर्वाचन आयोगले जनाएको छ ।

भोलि बिहान ९ बजेदेखि अपराह्न १ बजेसम्म उम्मेदवारलाई नाम फिर्ता लिन समय दिइएको छ । यस्तै, भोलि नै दिन दिउँसो १ देखि ३ बजेसम्म अन्तिम नामावली सार्वजनिक गरिने जनाइएको छ ।

आयोगका अनुसा, भोलि दिउँसो ३ देखि ५ बजेसम्म उम्मेदवारलाई निर्वाचन चिह्न प्रदान गरिनेछ ।

यही मंसिर १६ गते बिहान ७ बजेदेखि अपराह्न ५ बजेसम्म मतदान हुनेछ । देशभर कुल ४४ पदमा हुन लागेको हो । त्यसका लागि विविध पदका लागि ४१० जनाको उम्मेदवारी परेको छ ।