हत्या गरेको आरोपमा पक्राउ

दैलेख । दैलेखको दुल्लु नगरपालिका–१३ खडिका धारा बस्ने ५६ वर्षीय कर्णबहादुर कामीको हत्या गरेको आरोपमा प्रहरीले बुधबार एक जनालाई पक्राउ गरेको छ ।

पक्राउ पर्नेमा सोही ठाउँ बस्ने ४३ वर्षीय भुवन सिंह बिकल रहेका छन् । उनलाई अस्थायी प्रहरी पोष्ट बैंक विनायकबाट खटिएको प्रहरी टोलीले पक्राउ गरेको हो ।

प्रहरीका अनुसार, भुवनले हँसिया प्रहार गर्दा कर्णबहादुर गम्भीर घाइते भएका थिए । गम्भीर घाइते भएका कर्णबहादुरको दुल्लु अस्पतालमा उपचारको क्रममा मृत्यु भएको हो ।

पक्राउ परेका भुवनमाथि प्रहरीले आवश्यक अनुसन्धानका साथै कानून्ी प्रकृया अगाडि बढाइएको छ ।