साइकल सिटी हेटौंडाको आयोजनामा रक्तदान

मकवानपुर । साइकल सिटी हेटौंडाले रक्तदान कार्यक्रमको आयोजना गरेको छ । रक्तदान कार्यक्रम हेटौंडा–१० स्थित बुद्धचोकमा आयोजना गरिएको हो ।

सो क्रममा २२ जनाले रक्तदान गरेका थिए । जसमा १८ जना पुरुष र ४ जना महिला रहेको साइकल सिटी हेटौंडाका उपाध्यक्ष जयराम चौलागाईंले जानकारी दिए ।

कार्यक्रम रक्तसञ्चार केन्द्र हेटौंडाको प्राविधिक सहयोगमा आयोजना गरिएको हो ।

यसअघि साइकल सिटी हेटौंडाले राप्तीखोला र त्रिवेणीधाम परिसरमा पनि सरसफाइ कार्यक्रमको आयोजनाको गरेको थियो ।

कार्यक्रममा संघका अध्यक्ष दीपक खड्का लगायतको सहभागिता रहेको थियो ।