विद्युत प्राधिकरण केन्द्रिय वर्कशप हेटौंडामा आगोलागी

मकवानपुर । हेटौंडा उपमहानगरपालिका–५, भैरबरोडस्थित नेपाल विद्युत प्राधिकरण केन्द्रिय वर्कशपमा गएराति आगोलागी भएको छ ।

भैरबरोड हेटौंडाको पुरानो सामान राखेको स्थानमा अचानक आगोलागी भएको जिल्ला प्रहरी कार्यालय मकवानपुरका प्रहरी नायव उपरीक्षक एवम् प्रवक्ता स्यामु अर्यालले जानकारी दिए ।

उक्त आगो नेपाल प्रहरी, हेटौंडा उपमहानगरपालिकाको नगर प्रहरी, विद्युत प्राधिकरणका कर्मचारी र हेटौंडा उपमहानगरपालिकाको २ वटा दमकलको सहयोगमा गएराती नै नियन्त्रणमा लिएको प्रहरी नायव उपरीक्षक अर्यालले बताए ।

प्रहरी नायव उपरीक्षक अर्यालले आगोलागीबाट भएको क्षतिको विवरण आउन बाँकी रहेको बताए ।