चीन प्रस्थान गरिन् परराष्ट्रमन्त्री राणा
तु खबर संवाददाता२०८१ मंसिर १३,बिहीबार १५:४०
काठमाडौं । परराष्ट्रमन्त्री आरजु राणा देउवा आज चीन प्रस्थान गरेकी छन् । चिनियाँ विदेशमन्त्री वाङ यीको मैत्रीपूर्ण निमन्त्रणामा उनी त्यसतर्फ प्रस्थान गरेकी हुन् ।
उनी यही मंसिर १५ गतेसम्म चीन भ्रमणमा रहनेछिन् । भ्रमणको क्रममा उनले प्रधानमन्त्री केपी शर्मा ओलीको आसन्न चीन भ्रमणको तयारीलगायत दुई देशबिचको आपसी हितका विविध विषयमा छलफल गर्ने जनाइएको छ ।
प्रधानमन्त्री ओलीले यही मंसिर १७ गतेदेखि चीन भ्रमणमा गर्दैछन् ।