जेसीज कप: उपाधिका लागि थाहा नगरपालिका र आयोजक भिड्ने

मकवानपुर । पालुङ जेसीजको वर्ष २०२४ को सप्ताहव्यापी कार्यक्रम अन्तर्गत भएको फुटबल प्रतियोगिताको उपाधिको लागि आज शनिबार पालुङ जेसीज र थाहा नगरपालिकाबीच प्रतिस्पर्धा हुँदैछ ।

थाहा नगरको इन्द्रायणी चौरमा शुक्रबार भएको २ खेलबाट प्रतियोगिताको फाइनलका लागि दुई टिमले आफ्नो स्थान बनाएको थियो ।

प्रतियोगितामा आयोजक पालुङ जेसीज, थाहा नगरपालिका, नेपाल लेखापढी व्यवसायी संघ, बैंक तथा बित्तीय संस्थाका कर्मचारी गरि ४ टिमको सहभागिता रहेको थियो ।

प्रतियोगितामा आयोजक पालुङ जेसीजले बैंक तथा बित्तीय संस्थाका कर्मचारी यिमलाई २–१ गोल अन्तरले पराजित गरेर फाइनलमा आफ्नो स्थान सुरक्षित बनाएको थियो ।

त्यस्तै, थाहा नगरपालिका कर्मचारी टिमले पनि नेपाल लेखापढी व्यवसायी टिमलाई २–० गोल अन्तरले पराजित गरेर फाइनमा आफ्नो स्थान बनाएको थियो ।