अवैध गाँजासहित एक जना पक्राउ

सुनसरी । सुनसरीको भोक्राहा नरसिंह गाउँपालिका–५ टपराटोलबाट अवैध लागूऔषध गाँजा करिब ५८ किलो ३ सय ग्रामसहित सोमबार बिहान एक जना पक्राउ परेका छन् ।

पक्राउ पर्नेमा धरान उपमहानगरपालिका–१५ बस्ने २१ वर्षीय सनिल राई रहेको प्रहरीले जनाएको छ ।

उनलाई प्रहरी चौकी चिरौलीचोकबाट खटिएको प्रहरीले पक्राउ गरेको हो ।

ईनरूवाबाट लौकहीतर्फ जाँदै गरेको हाल नम्बर नखुलेको मोटरसाइकलमा सवार २ जना व्यक्तिहरू प्रहरीलाई देख्नासाथ भाग्न खोज्दा मोटरसाइकलमा सवार राईलाई सो परिणामको गाँजासहित पक्राउ गरिएको हो ।

मोटरसाइकलसहित फरार भएका चालकको खोजीकार्य गर्नुका साथै पक्राउ परेका उनीमाथि प्रहरीले आवश्यक अनुसन्धान प्रकृया अगाडि बढाएको छ ।