भार भ्रमणमा जाँदै नेपाली सेनाका प्रधानसेनापति सिग्देल

हेटौंडा । नेपाली सेनाका प्रधानसेनापति महारथी अशोकराज सिग्देल भारत भ्रमणमा जाने भएका छन् ।

उनी यही मंसिर २६ गते चार दिने भारत भ्रमणमा जान लागेका हुन् । भारतका स्थल सेनाध्यक्ष जनरल उपेन्द्र द्विवेदीको औपचारिक निमन्त्रणमा उनी भारतको भ्रमणमा जाने कार्यक्रम तय गरिएको हो ।

सैनिक जनसम्पर्क तथा सूचना निर्देशनालयका अनुसार, उनी मंसिर २९ गतेसम्म भारत भ्रमण सकेर स्वदेश फर्किने कार्यतालिका छ ।

भ्रमणका क्रममा उनी भारतका राष्ट्रपतिबाट भारतीय सेनाको मानार्थ महारथीको दर्जाबाट सुशोभित हुने सो कार्यालयले जनाएको छ ।