हेटौंडामा ट्वाइलेटमा लडेर बालिकाको मृत्यु

मकवानपुर । मकवानपुरको हेटौंडा उपमहानगरपालिका–५ सिँचाइटोलमा गएराति ट्वाइलेटमा लडेर एक बालिकाको मृत्यु भएको छ ।

मृत्यु हुनेमा महोत्तरी एकडाँडा गाउँपालिका–३, अजमरपटी घर भई हेटौंडा–५ मा डेरा गरी बस्ने ५ वर्षीया बालिका सिरिशाकुमारी मण्डल रहेको छ । उनी बुवासँगै डेरामा बस्दै आएको प्रहरीले जनाएको छ ।

प्रहरीका अनुसार, शुक्रबार राति साढे ९ बजे ट्वाइलेटमा लडेर सिरिशाको टाउकोमा चोट लागेको थियो । राति नै हेटौडा अस्पताल पुर्याइएपनि उनलाई चिकित्सकले मृत घोषणा गरेका थिए ।

मृतक बालिकाको शव हेटौंटा अस्पतालमै राखिएको जनाइएको छ ।