लागूऔषधसहित एक युवक पक्राउ

मोरङ । मोरङको बिराटनगर महानगरपालिका–१५ एक नम्बर ढाँटबाट अवैध लागूऔषध खैरो हेरोईनसहित शनिबार एक युवक पक्राउ परेका छन् ।

पक्राउ पर्नेमा सुन्दरहरैंचा नगरपालिका–९ सलकपुर बस्ने २४ वर्षीय अभिषेक बस्नेत रहेका छन् ।

उनलाई लागूऔषध खैरो हेरोइन १ ग्राम २ सय मिलिग्रामसहित लागूऔषध नियन्त्रण ब्यूरो बिराटनगरबाट खटिएको प्रहरीले पक्राउ गरेको हो ।

भारतबाट नेपालतर्फ आउँदै गरेको प्र–१–०२–०४२ प १११० नम्बरको मोटरसाइकललाई जाँच गर्ने क्रममा चालक अभिषेकलाई उक्त परिणामको लागूऔषधसहित पक्राउ गरिएको हो ।

पक्राउ परेका उनीमाथि प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।