मकवानपुरमा बिहानै स्कारपियो दुर्घटना, चार जना घाइते

मकवानपुर । मकवानपुरको मनहरी गाउँपालिका वडा नम्वर–९, खरङ्गास्थित पुर्व–पश्चिम सडकखण्डमा आज बिहानै स्कारपियो दुर्घटना भएको छ ।

बिहान साढे ५ बजेको समयमा निजगढ बाराबाट चितवनको लागि छुटेको प्रदेश ३–०१–२२ च ६८६२ नम्वरको स्कारपियो कार आफै अनियन्त्रित भई सडक बायाँ साईडमा रहेको विद्युतको पोलमा ठोक्किएर सडकबाट अन्दाजी ५० मिटर तल खसेर दुर्घटना भएको हो ।

उक्त दुर्घटनामा परेर चार जना घाइते भएको जिल्ला प्रहरी कार्यालय मकवानपुरका प्रहरी नायव उपरीक्षक श्यामु अर्यालले जानकारी दिए ।

प्रहरी नायव उपरीक्षक अर्यालका अनुसार, दुर्घटनामा परेर गाडी चालक बाराको निजगढ नगरपालिका–७ बस्ने वर्ष ४५ को धनबहादुर स्याङतान, उनको श्रीमती वर्ष ३८ की हरिमायाँ लामा, छोरा वर्ष १३ को यरोश तामाङ र सोही ठाउँ बस्ने वर्ष ३३ की सबु लामा घाइते भएका हुन् ।

दुर्घटनामा परेर घाइते भएका उनीहरुलाई तत्काल उद्धार गरी उपचारको लागि मनहरी अस्पताल पठाएकोमा सामान्य उपचार पश्चात साढे ६ बजेको समयमा चितवनको भरतपुरतर्फ पाइएको प्रहरी नायव उपरीक्षक अर्यालले बताए ।