पूर्व मेयर पीएल सिंहको निधन

काठमाडौं । काठमाडौंका पूर्व मेयर पीएल सिंहको आज बिहान निधन भएको छ । लामो समयदेखि अस्वस्थ रहेका उनको बिहान चाक्सीबारीस्थित निवासमा निधन भएको हो ।

उनको पार्थिव शरीरलाई अहिले चाक्सीबारी निवासमा नै राखिएको र ११ बजे अन्तिम श्रद्धाञ्जलीका लागि नेपाली काँग्रेस पार्टी कार्यालयमा राखिने बताइएको छ ।

सिंह २०४९ सालको स्थानीय तह निर्वाचनमा निर्वाचित भई तत्कालीन काठमाडौँ नगरपालिकाको मेयर बनेका थिए ।

गणेशमान सिंहको सहयोगी रहेका उनले पछिल्लो समय कांग्रेस परित्याग गरेका थिए ।