एनपीएल विजेतालाई १ करोड १० लाख पुरस्कार दिने घोषणा

काठमाडौं । नेपाल प्रिमियर लिग (एनपीएल) का विजेतालाई १ करोड १० लाख रुपैयाँ पुरस्कार दिने घोषणा गरिएको छ । आयोजक नेपाल क्रिकेट संघ (क्यान) लेमंगलबार एक विज्ञप्ति जारी गर्दै पुरस्कार राशी घोषणा गरेको हो ।

यस्तै, उक्त प्रतियोगिताको उपविजेता समूहले ५१ लाख, तेस्रो स्थानमा रहने समूहले २५ लाख र चौथो हुने समूहले १५ लाख पुरस्कार पाउने जारी विज्ञप्तिमा उल्लेख छ ।

प्रतियोगिताकै उत्कृष्ट नेपाली खेलाडीलाई कार पुरस्कार दिने यसअघि नै क्यानले घोषणा गरिसकेको छ । प्रतियोगिताको पुरस्कार घोषणा आज गरिएको हो ।

एनपीएलमा बुधबारदेखि प्लेअफका खेलहरू सुरू हुँदैछ । सुदूरपश्चिम रोयल्स, जनकपुर बोल्ट्स, चितवन राइनोज र कर्णाली याक्स शीर्ष चारमा रहँदै प्लेअफमा पुगिसकेको आयोजकले जनाएको छ ।