लागूऔषधसहित हेटौंडाका गोले पक्राउ

मकवानपुर । मकवानपुरको हेटौंडाबाट लागूऔषध गाँजासहित प्रहरीले मंगलबार दिउँसो एक जनालाई पक्राउ गरेको छ ।

प्रहरीले लागूऔषध गाँजा करिब ५ किलोसहित हेटौंडा उपमहानगरपालिका–१४ नयाँ बस्ती बस्ने ३३ वर्षीय चन्द्र बहादुर गोलेलाई पक्राउ गरेको जनाएको छ ।

उनलाई इलाका प्रहरी कार्यालय पशुपतिनगरबाट खटिएको प्रहरीले पक्राउ गरेको हो । विशेष सूचनाको आधारमा पुगेको प्रहरीले उनको घर तलासी गर्दा उक्त गाँजा फेला परेपछि निजलाई पक्राउ गरिएको हो ।

पक्राउ परेका उनीमाथि प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।