कास्की जिल्ला अदालतमा मंगलबार पनि बयान जारी रहने

काठमाडौं । पोखराको सूर्यदर्शन सहकारीको बचत रकम अपचलन मुद्दाका आरोपीहरूको बयान मंगलबार पनि जारी रहनेछ ।

कास्की जिल्ला अदालतमा सोमबार छविलाल जोशीको बयान भएकोमा मंगलबार रास्वपा सभापति रवि लामिछानेलगायतको बयान रहेको जनाइएको छ ।

सोमबार प्रतिवादी लामिछाने, जोशी, लीला पछाइ, कृष्णबहादुर गुरुङ र रामबहादुर खनाललाई अदालतमा उपस्थित गराइएको थियो । तीमध्ये जोशीको मात्रै बयान लिइएको अदालतले जनाएको छ ।

यसअघि आइतबार जिल्ला सरकारी वकिल कार्यालय, कास्कीलेसहकारीको रकम अपचलनको आरोपमा रास्वपा सभापति लामिछानेलगायत विरुद्ध मुद्दा दर्ता गरेको थियो ।