मकवानपुरमा महिला क्रिकेट महोत्सव सुरु

मकवानपुर । मकवानपुरमा महिला महिला क्रिकेट महोत्सव (क्रिओ) २०२४ सुरु भएको छ । उक्त फेस्टिबल मकवानपुर जिल्ला क्रिकेट संघले आयोजना गरेको हो ।

क्रिकेटमा महिलालाई आकर्षण र प्रोत्साहन गर्ने उद्देश्यले हेटौंडा उपमहानगरपालिकासँगको सहकार्यमा उक्त फेस्टिबलको आयोजना गरिएको हो । हेटौंडा–४ का वडाध्यक्ष नवीन सिग्देलले व्याटिङ् गरेर फेस्टिबलको सुरुवात गरेका हुन् ।

फेस्टिबल दुई दिनसम्म सञ्चालन हुनेछ । क्रिकेट क्षेत्रमा छात्राहरूको चाहना बढाउने, खेलबारे जानकारी दिने र आवश्यक प्रशिक्षणसमेत गराउने कार्यक्रम रहेको संघका सचिव बिनोद बानियाँले बताए ।

फेस्टिबलमा उपमहानगरका ७ र मकवानपुरगढी गाउँपालिकाको १ गरी ८ वटा विद्यालयको टिम सहभागी छन् ।