हेटौंडामा एक पुरुष मृत अवस्थामा भेटिए

मकवानपुर । मकवानपुरको हेटौंडामा एक पुरुष मृत अवस्थामा भेटिएका छन् । बिहीबार दिउँसो हेटौंडा उपमहानगरपालिका वडा नम्वर १०, बसपार्कस्थित श्याम सुन्दर तिवारीले संचालन गरेको चण्डिका होटलमा एक पुरुष मृत अवस्थामा भेटिएका हुन् ।

मृतक पुरुष मकवानपुरको राक्सिराङ गाउँपालिका ४ नम्बर वडाका २८ वर्षीय सरोज शाह रहेको जिल्ला प्रहरी कार्यलय मकवानपुरका प्रहरी नायव उपरीक्षक एवम् प्रवक्ता श्यामु अर्यालले जानकारी दिए ।

प्रवक्ता अर्यालका अनुसार, उनी पुष १५ गते सोमबारदेखि उक्त होटलको २०१ नम्बर कोठामा बस्दै आएका थिए । बिहीबार बिहान अबेरसम्म पनि ढोका नखोलेको र बाहिर निस्किएको नदेखे पछी होटल संचालकले झ्यालबाट हेर्दा मृत्यु भएको आशंका भएकोले प्रहरीलाई खबर गरेको थियो ।

घटनास्थल सुरक्षित राखी प्रारम्भिक अनुसन्धानको क्रममा बिस्तारामा बसेको अवस्थामा मृत्यु भएको देखिएको प्रहरी नायव उपरीक्षक अ र्यालले बताए ।

घटनास्थलको मुचुल्का लिई शव पोस्टमार्टमको लागी हेटांैडा अस्पतालमा राखिएको र घटना बारे थप अनुसन्धान गरिरहेको प्रहरी नायव उपरीक्षक अर्यालले बताए ।