त्रिविद्वारा स्नातक तहको भर्ना अवधि थप

काठमडौं । त्रिभुवन विश्वविद्यालयले स्नातक तहकोे भर्ना अवधि थप गरेको छ । त्रिविले भर्ना अवधि यही माघ ११ गतेसम्म थप गरेको होे ।

भर्नाको समय सकिएपनि कतिपय विद्यार्थी भर्ना नभएको तर, कक्षामा आउने गरेकाले भर्नाको समय थप गरेको त्रिविका शिक्षाध्यक्ष प्रा.डा. खड्ग केसीले जानकारी दिए ।

उनका अनुसार, समय थप गर्ने विषयमा रेक्टर कार्यालयले डीनहरूसँग छलफल गरेको थियो । शैक्षिक क्यालेन्डर प्रभावितच नहुनेगरी भर्नाको समय थप गर्न सुझाव आएपछि समय थप गरिएको हो ।

आगामी फागुन १५ गते त्रिविमा स्ववियु चुनाव गर्ने तयारी छ । चुनावको लागि मात्र विद्यार्थी भर्ना हुने आशंकामा भर्ना बन्द गरिएको थियो ।