दुर्घटनामा परेर दुई जनाको मृत्यु

काठमाडौं । कपिलवस्तुमा सवारी दुर्घटना हुँदा दुई जनाको मृत्यु भएको छ । गएराति वाणगंगा नगरपालिका ११ स्थित भित्री सडकखण्डमा नेपाली र भारतीय नम्बरका दुई मोटरसाइकल एकापसमा ठोक्किएर दुर्घटना हुँदा दुई जनाको मृत्यु भएको प्रहरीले जनाएको छ ।

प्रहरीका अनुसार, दुर्घटनामा परेर यूपी ५५ ए एच ७०९० नम्बरको मोटरसाइकलमा चालक कपिलवस्तुको शुद्धोदन गाउँपालिकाका ३५ वर्षीय नेहामन अली र लु १० प ४४९६ नम्बरको मोटरसाइकल चालक सैनामैना–४ बस्ने वर्ष २७ को रोमन थारुको मृत्यु भएको हो ।

दुर्घटनामा परेर गम्भीर घाइते भएका उनीहरुको अस्पतालमा उपचारको मृत्यु भएको जिल्ला प्रहरी कार्यालय कपिलवस्तुले जनाएको छ ।

उक्त दुर्घटनामा परेर अर्का एक जना घाइते भएका छन् । घाइते हुनेमा २६ वर्षीय अजय थारु रहेका छन् । उनको अस्पतालमा उपचार भइरहेको जनाइएको छ ।