मोटरसाइकल दुर्घटनामा परेर लामिछानेको मृत्यु
तु खबर संवाददाता२०८१ माघ ६,आईतवार ०९:०९
रुकुम (पश्चिम) । रुकुम पश्चिमको चौरजहारीमा मोटरसाइकल दुर्घटनामा परेर आज बिहान एक जनाको मृत्यु भएको छ ।
मृत्यु हुनेमा चौरजहारी नगरपालिका –१ लामिछाने गाउँ निवासी ३२ वर्षीय चिरञ्जीवी लामिछानेको प्रहरीले जनाएको छ ।
प्रहरीका अनुसार, चौरजहारी बजारबाट घरतर्फ जाने क्रममा लामिछानेले चलाएको कर्णाली प्रदेश ०३–००१ प ०४७३ नम्बरको मोटरसाइकल बिहान २ बजेको समयमा अनियन्त्रित भएर दुर्घटना भएको थियो ।
दुर्घटनामा परेर गम्भीर घाइते भएका उनलाई तत्काल उद्दार गरी उपचारको लागि चौरजहारी अस्पताल लिएकोमा चिकित्सकले मृत घोषणा गरेको प्रहरीले जनाएको छ ।
मृतकको शव पोस्टमार्टमको लागि जिल्ला अस्पताल सल्ले ल्याइँदै गरेको जनाइएको छ ।