१९५ किलो गाँजासहित मकवानपुरका एक जना पक्राउ

पर्सा । पर्सा जिल्लाको वीरगंज महानगरपालिका–१९, बर्वाबाट गएराति अवैध लागूऔषध गाँजा १ सय ९५ किलोग्रामसहित मकवानपुरका एक जना पक्राउ परेका छन् ।

पक्राउ पर्नेमा जिल्लाको हेटौंडा उपमहानगरपालिका–१२ रमनटार बस्ने ३६ वर्षीय सुकलाल महर्जन रहेको जिलला प्रहरी कार्यालय पर्साले जनाएको छ ।

उनलाई इलाका प्रहरी कार्यालय पोखरीया समेतबाट खटिएको प्रहरीले पक्राउ गरेको हो ।

प्रहरीका अनुसार, बा.प्र.०३–००१ ख ३५८७ नम्बरको ट्रकबाट उक्त परिमाणको गाँजा अनलोड गरी परालको थुप्रोमा लुकाई छिपाई भाग्ने क्रममा ट्रक चालक महर्जनलाई पक्राउ गरिएको हो ।

पक्राउ परेका उनीमाथि प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।