रेसुङ्गा विमानस्थलबाट नियमित उडान ठप्प

तम्घास । विगत एक महिनादेखि गुल्मीको रेसुङ्गा विमानस्थलबाट नियमित उडान ठप्प भएको छ । नेपाल एयरलायन्सको जहाज मर्मत हुँदै गरेकाले अन्य जहाज नभएका कारण नियमित उडान थप्प भएको विमानस्थलका स्टेशन प्रमुख सुमन थापाले जानकारी दिए ।

पछिल्लो समय पौष ४ गते मात्रै विमानस्थलबाट उडान भएको र अहिले उडान हुन नसकेको उनकोे भनाई छ । उनका अनुसार, विमानस्थलबाट अझै केही समय उडान बन्द नहुने सम्भावना छ ।

पहिले हप्ताको एक दिन शुक्रबार मात्रै उडान भर्दै आएको जहाजले यात्रुको अत्याधिक चाप बढेपछि साप्ताहिक तीन उडानको अनुमति पाएको थियो ।

काठमाडौंबाट बिहान ६ बजेर ३० मिनेट र रेसुङ्गाबाट काठमाडौंका लागि बिहान ७ बजेर ४५ मिनेटमा उडान हुने कार्यतालिका रहेको उनले बताए ।