भिमान कपको उपाधि मनहरी–७ लाई

मकवानपुर । मकवानपुरको मनहरी गाउँपालिका–२ मा भएको दोस्रो वडाध्यक्ष भिमान स्मृति कप फुटबल प्रतियोगिताको उपाधि मनहरी–७ ले हात पारेको छ ।

शनिबार भएको फाइनल खेलमा चुरियामाई एफसी रमौली मनहरी–७ लाई पराजित गर्दै मनहरी–७ ले उपाधि हात पारेको हो । प्रतियोगितामा मनहरी–७ ले चुरियामाई एफसी रमौलीलाई ३–१ गोलले पराजित गरेको हो ।

प्रतियोगिता खेलकुद विकास समिति मनहरी–२ को आयोजनामा गत पौष २६ गतेबाट सुरु भएको थियो । प्रतियोगितामा पालिकाभित्रका १६ वटा टिमले सहभागीता जनाएको थियो ।

प्रतियोगिताको विजेत र उपविजेताले क्रमशः ५० हजार र २५ हजार रुपैयाँसहित शिल्डमेडल प्राप्त गरेको मनहरी खेलकुल विकास समितिका सदस्य चन्द्रबहादुर स्याङ्ताले जानकारी दिए ।

प्रतियोगितामा मनहरी–२, स्थित त्रिरत्न आधारभूत विद्यालयको खेल मैदानमा भएको थियो ।

सो क्रममा खेलकुद क्षेत्रमा योगदान पुर्याएको भन्दै मकवावनपुरका पत्रकार उमेश राईलाई नगद ५ ह जार रुपैयाँसहित सम्मान गरिएको छ ।