हेटौंडाबाट लागूऔषधसहित दुई जना पक्राउ

मकवानपुर । पूर्व–पश्चिम राजमार्ग अन्तरगत मकवानपुरको हेटौंडा उपमहानगरपालिका वडा नम्वर १९, दिपज्योती डाँडाबाट अवैध लागूऔषध गाँजासहित आइतबार दिउँसो दुई जना पक्राउ परेका छन् ।

पक्राउ पर्नेहरूमा पर्साको सखुवा प्रसौनी गाउँपालिका–१ दोहोरी बस्ने ४२ वर्षीय सुरेश दास थारू र पर्सागढी नगरपालिका–२ बागबना बस्ने २९ वर्षीय अर्जुन महतो थारू रहेको जिल्ला प्रहरी कार्यालय मकवानपुरले जनाएको छ ।

उनीहरुलाई इलाका प्रहरी कार्यालय नेवारपानीबाट खटिएको प्रहरीले ११ किलोग्राम लागूऔषध गाँजाुहित पक्राउ गरेको हो ।

प्रहरीका अनुुसार, नारायणगढबाट रौतहटतर्फ जाँदै गरेको लु.१ ख ७३९५ नम्बरको बसलाई जाँच गर्ने क्रममा बसमा सवार सुरेशलाई ५ किलो ५ सय ६० ग्राम र अर्जुनलाई ५ किलो ४ सय ४० ग्राम गाँजासहित पक्राउ गरिएको हो ।

पक्राउ परेका उनीहरुमाथि प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।