एमाले सचिवालय बैठक आज बस्दै
तु खबर संवाददाता२०८१ माघ ८,मंगलवार ०९:४८
काठमाडौं । नेकपा एमालेले सचिवालय बैठक आज बस्दैछ । बैठक बेलुका ४ बजे बस्ने गरी बोलाइएको हो ।
बैठक पार्टी केन्द्रीय कार्यालय च्यासलमा बस्ने गरी बोलाएको एमाले प्रचार विभाग प्रमुख राजेन्द्र गौतमले जानकारी दिए ।
पौष तेस्रो साता बसेको एमाले केन्द्रीय कमिटी बैठकपछि सचिवालय बैठक बस्न लागेको हो । सो बैठकमा समसामयिक राजनीतिक विषयमा छलफल हुने प्रचार विभाग प्रमुख गौतमले बताए ।
सचिवालय बैठक बसेर एमालेले केन्द्रीय कमिटी बैठकका निर्णयसहित अन्तरपार्टी निर्देशन (अपानी) जारी गर्ने तयारी गरेको उनको भनाई छ ।