८१ किलो गाँजासहित मकवानपुरका एक जना पक्राउ

मकवानपुर । पूर्व–पश्चिम सडकखण्ड अन्तरगत मकवानपुरको मनहरी गाउँपालिका वडा नम्वर ८, सिम्पानीबाट प्रहरीले अवैध लागूऔषध गाँजासहित मंगलबार एक जनालाई पक्राउ गरेको छ ।

पक्राउ पर्नेमा मकवानपुरको कैलाश गाउँपालिका–४, बस्ने वर्ष २२ को छेटुप थिङ रहेका छन् । उनलाई इलाका प्रहरी कार्यालय मनहरी मकवानपुरबाट खटिएको प्रहरी टोलीले लागूऔषध गाँजा ८१ किलोसहित पक्राउ गरेको मकवानपुर प्रहरी नायव उपरीक्षक श्यामु अर्यालले जानकारी दिए ।

प्रहरी नायव उपरीक्षक अर्यालका अनुसार, राक्सिराङको चैनपुरतर्फबाट हेटौंडातर्फ आउँदै गरेको बा.प्र.०६–००१ च ००६२ नं.को बोलेरो पिकअप गाडीलाई शंका लागि चेकचाँज गर्दा सो परिणामको गाँजा बरामद भएपछि गाडी चालक निजलाई पक्राउ गरिएको हो ।

पक्राउ परेका उनीमाथि लागूऔषध गाँजा मुद्धामा थप अनुसन्धान कार्य भइरहेको प्रहरी नायव उपरीक्षक अर्यालले बताए ।