हेटौंडा जेसीजको महासचिवमा न्यौपाने मनोनीत

हेटौंडा । हेटौंडा जेसीजको महासचिव पदमा संजय कुमार न्यौपाने मनोनीत भएका छन् । उनी बुधबार हेटौंडामा सम्पन्न हेटौंडा जेसीजको पदस्थापन कार्यक्रमबाट वर्ष २०२५ का लागि मनोनीत भएका हुन् ।

यसअघि हेटौंडा जेसीज वर्ष २०२४ को शाखा सम्पादक रहेका उनलाई हेटौंडा जेसीजका नव निर्वाचित अध्यक्ष पंकजदास बानियाँले महासचिवमा मनोनीत गरेका हुन् ।

मनोनीत भएका न्यौपानेले उनले आफुलाई उक्त पदको जिम्मेवारी दिनको लागि भूमिका खेल्ने सबैमा धन्यवाद ज्ञापन गर्दै आफ्नो कार्यकालमा जेसीजको मूल्य र मान्यतालाई आत्मसात गर्दै संस्थाको हितमा काम गर्ने प्रतिबद्धता व्यक्त गरे । उनले संस्थाको उद्देश्य अनुरुप सवैक्षेत्रका युवालाई समेटेर युवाको नेतृत्व तथा व्यक्तित्व विकासमा विशेष जोड दिइने बताए ।

हेटौंडा जेसीजको अधिवेशन गत पुस १३ गते सम्पन्न भएको थियो ।