काभ्रेको महाभारतमा भीषण आगलागी

काभ्रे । काभ्रेपलाञ्चोकको खानीखोला र बेथाचोक गाउँपालिकाको सिमाना थामलेख (महाभारत) मा रहेको सामुदायिक वनमा भीषण आगलागी भएको छ ।

मंगलबार दिउँसो २ बजेदेखि लागेको उक्त आगो अहिले नियन्त्रण बाहिर रहेको जिल्ला प्रहरी कार्यालय काभ्रेले जनाएको छ ।

काभ्रे प्रहरीका अनुसार, भीर भएका वन क्षेत्रमा आगलागी भएका कारण तत्काल आगो निभाउन कठिनाई भएको हो ।

आगलागी भएको वन क्षेत्रमा नेपाली सेना र नेपाल प्रहरीको टोली परिचालति गरिएको छ । नेपाली सेना र नेपाल प्रहरी परिचान गरिएको भएपनि तत्काल आगो निभाउन सम्भव नभएको जनाइएको छ ।

वनमा लागेको आगो मानवबस्तीसम्म आउन नदिनका लागि सुरक्षाकर्मीले अनुगमन गरिरहेको र जोखिम देखिए तत्काल स्थानीयलाई सुरक्षित स्थानमा सार्न निर्देशन भइसकेको बताइएको छ ।